VIONGOZI WA SERIKALI WASIPOKUWA MAKINI NA ARDHI KUTAKUWA NA MIGOGORO ISIYOISHA NCHINI

WAMACHINGA ARUSHA WACHAKURA WAVAMIA KIWANJA NA KUJIPIMIA MAENEO YA KUFANYIA BIASHARA

Wafanyabiashara ndogo ndogo maarafu kama machinga jijini Arusha 27 septemba wamevamia eneo la kiwanja cha Ermoil lililopo mkabala na soko la kilombero baada ya kubomoa uzio wa eneo hilo na kisha kuanza kugawana maeno ya kufanyiabiashara kwa kujipimia

Wamachinga  wamama wakiwa wanajipimia maeneo ya kufanyia bishara kama inavyo onekana katika picha

Hali hiyo ilisababisha Vurugu jana katika jiji la Arusha wakati ugeni wa watu mbalimbali kutoka nchi za Afrika wakiwa hapa kwaajili ya mkutano mkubwa wa mapinduzi ya kijani

Hatahivyo,katika vurugu hizo mfuasi  mmoja wa  chama cha wananchi(Cuf),Bw.Athuman Abrahaman alishambuliwa kwa mawe na kisha kujeruhiwa eneo la usoni na watu wanaodhaniwa kuwa ni wafuasi wa Chadema huku gari la matangazo la Cuf  nalo likijikuta likipopolewa kwa mawe  na spika zake kuharibika vibaya.

Askari wa jiji la Arusha walionekana majira ya saa 3;30 asubuhi akipita na gari lao katika maeneo mbalimbali ya jiji hapa huku wakiwatangazia wamachinga wote kuondoka katika maeneo ambayo hayajatengwa kufanyia biashara zao.

Askari hao walikuwa wakiwatangazia wamachinga hao kuondoka katika maeneo ambayo hayajatengwa kufanyia biashara huku wakitamka ya kwamba endapo wakikahidi watachukua bidhaa zao kwa nguvu na kuwachukulia hatua za kisheria.

Hatahivyo,baada ya muda mfupi ndipo askari hao walianza kutekeleza majukumu yao ya kusomba bidhaa hizo na kisha kuzipakia ndani ya gari lao huku wakivipeleka katika ofisi za manispaa ya Arusha.

Hatua hiyo iliwapelekea wamachinga hao kujikusanya kwa pamoja na kisha kuvamia ghafla eneo la wazi wa Ermoil kwa kuvunja uzio wa mabati uliokuwepo na kisha kuanza kujigawia maeneo kwa kuyapima kwa kamba.

Baadhi ya wamachinga walisema kuwa eneo walilohamishiwa awali eneo la NMC haliwafai kwa shughuli zao kwakuwa miundombinu hakuna katika eneo hilo sambamba na kutokuwepo usalama wa mali zao wakiwa katika biasharta zao

“Hatuondoki hapa mpaka kieleweke,,tumehoka kunyanyaswa bila kupewa haki zetu,,,hapa tulipo tunafamilia zinatutegemea sana”sauti zilisikika

Hata hivyo wamachinga hao walienda mbali kwa kudai kuwa eneo walilopelekwa haliwatoshi kwakuwa hata walipopelekwa eneo hilo kuna baadhi ya wamachinga walikosa eneo la kufanyia biashara

Wamachinga hao zaidi ya 200 walivamia huku wengine wakitumia nafasi hiyo kupora mali mbalimbali zilizopo ndani ya eneo hilo kama mabati,nondo na saruji zilizokuwa ni mali za mtu anayedaiwa kumiliki eneo hilo

Katika heka heka za kugawana viwanja ndani ya eneo hilo wamchinga hao walikata miti iliyokuwemo ndani na kisha kuanza kuichoma kwa moto hali ambayo ilisababisha wingu zito la moshi kutanda hewani.

Hatahivyo,wakati tafrani hiyo ikiendelea polisi waliokuwa wamesheheni kwenye magari yao walikuwa wakipita mara kwa mara kuzunguka eneo hilo lakini hawakuonekana wakifanya udhibiti wowote zaidi ya kuwaangalia wamachinga hao.

Kitendo cha askari wa jeshi la polisi mkoni hapa kushindwa kuwadhibiti wamachinga hao kimetajwa kimetokana na uhaba wa askari kutokana na ugeni wa mkutano wa AGRA pamoja na kuhofia hali ya amani kuharibika  jijini Arusha.

Mkuu wa wilaya ya Arusha,John Mongella alilaani tukio hilo na kusema kwamba wamachinga hao wamevamia eneo hilo kimakosa kwa kuwa si la kwao huku akikitupia lawama chama kimoja cha siasa hapa nchini kwamba kimehusika katika kuhamasisha vurugu hizo.

Alisema kwamba kwa sasa watakutana kujadili tukio hilo kwa undani kwa kuwa wana ugeni mkubwa lakini alisema kwamba kitendo cha wafuasi wa Chadema kupiga mawe gari la Cuf na mfuasi wake si cha kiungwana.

Kaimu mkurugenzi wa halmashauri ya manispaa ya jiji la Arusha,Omary Mkombole alisema kwamba kitendo cha wamachinga hao kuvamia eneo hilo ni kuvunja sheria na wataondolewa hapo hivi karibuni.

Mkombole,mbali na kulaani tukio hilo alisema kwamba uongozi wa jiji umepanga maeneo mbalimbali ya kufanyia biashara na eneo hilo ni mali ya mtu binafsi ambapo alikuwa ameanza jitihada za kuliendeleza

STORI NA PICHA ZOTE KWA MSAADA WA JAMII BLOG